Informasjon til deltakarar

Når

4H Landsleir er 21. juli – 28. juli 2018.
Ankomst frå kl. 14:00 laurdag 21. juli
Avreise innan kl. 12:00 laurdag 28. juli

Kvar

Øksnevad videregående skole i Klepp kommune i Rogaland.
Adresse: Jærvegen 990, 4352 Kleppe.

Kven

Leiren har nedre aldersgrense på 14 år (dvs. at du må vere født i 2004 eller tidlegare). Du må vere hovud-, søsken- eller alumnmedlem i 4H, og ha betalt medlemskontingenten. Bli medlem!

Pris

Leiren kostar 2 500,-. Faktura kjem på e-post i forkant av leiren, og den må vere betalt for at du skal få delta.

Sjukdom og behov

Det er viktig at du, når du melder deg på, opplyser om allergiar og/eller sjukdommar (fysisk og psykisk) som vi som arrangør bør kjenne til, slik at førstehjelpspersonellet kan hjelpe deg raskast og best muleg viss noko skulle skje. Om du har spesielle behov er det berre å skrive det ved påmelding eller ta kontakt med oss. Helseoppplysningar blir ikkje lagra, og blir automatisk sletta frå medlemsregisteret ein månad etter arrangementet.

Mat

Mat er inkludert i prisen. Det er viktig at du opplyser om matallergiar og graden av desse ved påmelding, slik at matkomiteen kan lage riktig mat til deg!

Overnatting

Fylka blir inndelt i tun, og vi overnattar i teltleir.  Hugs å avtala med andre i eige fylke, så ikkje alle tar med kvar sitt telt.

Pakkeliste

Hugs at det ofte er avgrensa plass på transporten, så det er lurt å ikkje pakke med seg for mykje. Det er også avgrensa med teltplass, så vi oppfordrar alle til å sove i telt eller lavvoar saman.

  • Telt
  • Sovepose
  • Tursko/joggesko og støvlar
  • Varme klede
  • Varmt nattøy
  • Regntøy og vindtett jakke
  • Leirbukse (om du har)
  • Toalettsaker
  • Solbriller, solkrem og myggstift/spray
  • Kopp, matboks og vassflaske
  • Lommepengar
  • Leirheftet/invitasjonen
  • Lommelykt
  • Ukulele, fløyte, gitar eller anna instrument
  • Pynt til tunet
  • Tau (til bygging i tunet)
  • Antrekk til åpningsseremonien – årets tema avslørast seinare
  • Somme aktivitetar krev også at du har med deg noko. Sjekk dette!

La datamaskiner og andre tekniske og verdifulle saker vere heime.
Hugs å merke tinga dine med namn!

Reise

Dei fleste fylka tilbyr fellesreise til leiren. Sjekk nettsida til fylket ditt for info om fellesreise. Vi oppfordrar alle til å delta på fellesreisa, då dette sannsynlegvis vil vere enklast for dei fleste. Kjem du for eiga maskin er du sjølvsagt velkommen til det! Nærmaste flyplass er Stavanger lufthavn, Sola. Tar du NSB regiontog må du gå av på Bryne stasjon (Time kommune) og ta buss vidare til Øksnevad vgs. i Klepp kommune.

Fotografering

Der blir felles fotografering av fylka søndag 22. juli.
Hvis du ikkje ønskjer at bilde av deg skal leggast ut på facebook og instagram, må du seie frå om det når du melder deg på.

Volleyballturnering

Det blir sjølvsagt Landkreditt – volleyballturnering, på open dag torsdag 26. juli.

Miljøtorg

Vi gjentek suksessen fra Nordic camp 2017 og har miljøtorget inne i ridehallen.
Her blir det masse kjekt!

Underhaldning

Det blir mykje god underhaldning – sjå bare her!

Spørsmål

Kontakt 4H i fylket ditt eller landsleir2018@4h.no / katrine.rogaland@4h.no